Да по грѣхомъ безстрашіе вошло въ люди, въ церквах Божіихъ, въ соборныхъ и приходскихъ, стоятъ безъ страха, въ тафіяхъ, и въ шапкахъ, и съ посохи. Якоже на торжищехъ, или на позорищехъ, или на пиру, или яко въ корчемницѣ, и говоръ и ропотъ, и всякое прекословіе и бесѣды, и срамныя словеса, пѣния Божественнаго не слышно во глумленіи, церковь бо Божія устроена, на молитву приходити и на оставленіе грѣховъ со страхомъ Бога молити, а мы же паче на гнѣвъ Бога подвизаемъ.