Коль же паче всѣмъ православнымъ Христіяномъ во святыхъ Божіихъ церквахъ, на Божественномъ и на всякомъ пѣніи, паче же на Литургіяхъ святыхъ со страхомъ и трепетомъ предстояти, ничтоже земнаго, помысляюще, якоже писаніе глаголет. Всякъ правовѣрный со вниманіемъ сердечнымъ и со страхомъ Божіимъ моляйся, таковый съ Богомъ бесѣдуетъ; аще кто во святыхъ Церквахъ, оставя молитву учнет со други своими о тлѣнныхъ и мимотекущихъ бесѣдовати, то отъ Бога како услышанъ будетъ таковый, мочно ли человѣку зрѣти единымъ окомъ на Небо, а другимъ на землю, аще ли предъ Господемъ, два или тріе или мнозіи, творятъ разные вопросы вдругъ, то како можетъ Господь ихъ послушати.