За здаровы лад жыцьця

У большасці беларускіх паэтаў няпросты шлях да Беларусі. Спачатку трэба было прыйсці да Беларусі, і толькі затым стаць беларускім паэтам. Можна нарадзіцца ў самай што ні на ёсць патрыярхальнай беларускай вёсцы, затым скончыць беларускі філфак, але так і не прыйсці да Беларусі. А можна нарадзіцца недзе далёка-далёка ад Беларусі і не чуць з дзяцінства ніводнага беларускага слова, а ўрэшце рэшт да Беларусі прыйсці. У гэтым ёсць нешта метафізічнае. Таямніца поўная.

Вось і ў лёсе Веры Бурлак ёсць шмат загадак і нелагічнасцяў. Нарадзілася Вера ў Кіеве. З дзяцінства займалася музыкай, але паступіла ў БДУ на расійскую філалогію. Скончыла яе, затым аспірантуру, абараніла кандыдацкую, выкладае расійскую літаратуру ў БДУ. Нібыта нідзе яе шлях з беларушчынай не перакрыжоўваўся. Але ў 2001 годзе яна…